13 sentyabr 2023-cü il tarixində "PRO-ACADEMY" Təlim Mərkəzinin 2022-2023 akademik ilinin məzunlarının təltifetmə mərasimi keçirilmişdir.

“PRO-ACADEMY” Təlim Mərkəzinin, Azərbaycan Dövlət Neft və Sənaye Universiteti ilə birgə, iki layihəsindən məzun olan 100 nəfər, PROSOL və bp Azərbaycan şirkətlərinin ortaq təqaüd proqramı əsasında 60 məzunun təltifetmə mərasimi, mərkəzin direktoru Babək Ağayevin açılış nitqi ilə başlamışdır.

Tədbirin məruzəçiləri, o cümlədən də Dövlət Məşğulluq Agentliyinin İdarə Heyəti sədrinin müşaviri Səftər Rəhimli, Azərbaycan Dövlət Neft və Sənaye Universitetinin rektor əvəzi Vazeh Əsgərov bugünkü rəqəmsal mənzərədə kibertəhlükəsizlik təhsilinin mühüm rolunu vurğulayan məruzələr ilə çıxış etdilər.

İnnovasiya və Rəqəmsal İnkişaf Agentliyinin sədrinin müşaviri Şahin Əliyev və Xüsusi Rabitə və İnformasiya Təhlükəsizliyi Dövlət Xidmətinin idarə rəisi Tural Məmmədov milli məzmunda kibertəhlükəsizliyin strateji öhdəliklərinə aydınlıq gətirərək ixtisaslı mütəxəssislərə kritik ehtiyac olduğunu vurğuladılar.

Təlim Mərkəzinin Proqram Rəhbəri Alıxəyyam Quluzadə “PRO-ACADEMY”nin kibertəhlükəsizlik təhsilində inkişafa sadiqliyini bildirərək, təlim mərkəzini fərqləndirən praktiki yanaşmanı vurğulamaqla yanaşı, bir il ərzində görülən işlər və layihələrin nəticələri haqqında ətraflı məlumat verdi.

Məzunlardan, Turanə Rəşidova, Məhəmmədəli Tağıyev, Tahir Balayarovun çıxışları dinlənildi.

Tədbirin rəsmi hissəsi Babək Ağayevin moderatorluğu ilə dinamik sual-cavab sessiyası ilə yekunlaşmış, Təlim Mərkəzi məzunlarının sualları cavablandırılıb, rəyləri və təklifləri isə növbəti tədris prossesində dəyərləndirmək üçün qeyd edilmişdir.

Tech Recruitment

Tech Recruitment